 Velkomen til Singerheimen |
William Henry Singer jr.
EnglishWilliam Henry Singer jr.
William Henry Singer jr. (1868-1943), amerikansk biletkunstnar og millionærarving som slo seg ned i Olden.
I USA var han arving til eit av dei største stålverksselskapa. Kom til Nordfjord første gong i 1912, og budde første åra på Yris Hotell Bygde seinare sin eigen residens ”Dalheim”, der han omgav seg med kunstnarvener. Mellom desse var nederlendaren Jaap Dooijewaard, som etter krigen dreiv kunstskule i Olden.
Gav pengar til lokale tiltak
Singer gav store pengegåver som gjorde det mogeleg å byggje Nordfjord sjukehus på Nordfjordeid. Opna i 1936 med 40 senger. Han gav også store summar som forskot til vegsambandet Olden-Innvik, opna i 1936. Han syrgde og for pengar til restaurering av gamlekyrkja i Olden frå 1759, og gav rentefritt byggjelån på 50.000 kroner då Firda Gymnas på Sandane bygde skulehus i 1924.Donerte "Dalheim" til fylket
Etter at Singer og kona Anna døydde, vart Dalheim donert til fylket som rekreasjonsheim for sjukepleiarar, og ei stor samling av antikvitetar og kunst gjekk til Vestlandske Kunstindustrimuseum i Bergen, der det meste er utstilt i eit spesielt ”Singer-rom”.
Kilde: Fylkesleksikonet
